Tussi's seied dumm, sie seied blöd, kompliziert und me chönn's nöd bruuche. Sie seied au no arrogant. Ich glaube das nöd und han scho anderi Erfahrige gmacht. Und ehrlich gseit, het ich sehr gern mal es richtigs Tussi kenne glernt. Drum wür ich gern mal so es Experiment mache und mit sonere Dame mal länger Kontakt ha. Wenn Du Dich da drin gsesch, wär ich froh, würsch mir schriibe.
Du gasch normalerwiis mit Wöschbrettbuch-Type us, wo sich gern zeiged und villicht e luuti Charre fahred und sich gross in Szene setzed.
Du bisch selbstständig und hangsch nöd am Portemonnaie vome Maa, sondern verdiensch Din Läbesunderhalt selber.
Dir isch Sport keis Fremdwort und bisch fit, also ich sueche es schlanks Tussi.
D'Herre traued sich nöd a Dich here und drum bisch no allei.
D'Herre lueged Dir gern na, würed Dir napfyffe.
Du gasch gern in Usgang, übertriibsch es aber nöd. Du bisch unbeschwert, lachsch gern und machsch au mal s'Chalb. Es macht Dir nüt us, wenn de Maa mit Dir s'Chalb macht. Du gasch mitere Liechtigkeit durchs Läbe, aber nöd gliichgültig.
Du bringsch en dütsche Satz ohne Fehler ane.
Du zeigsch Dich gern, Du chasch dezent verfüere, Du leisch Dich gern au mal figurbetont aa.
Du verhaltisch Dich nöd wie es typischs Tussi. Du weisch Dich z'beneh.
Es macht Dir nüt uus, wenn de Maa selbstbewussti und selbstständigi Frau mag oder sie sogar besser gstellt sind im Bruef.
Wills ja um nüt gaht, chasch au ruhig jünger sii, aber bitte nöd under 25gi und nöd älter wie 49gi. Was Du brueflich machsch, isch völlig egal, mir gaht's um Dich. Du chasch au Lastwage fahre, Schriinere usw.
Öppis vorweg: Das mag jetzt alles oberflächlich töne. Villicht. Aber isch es oberflächlich, wenn me uf sis Härz losed?
Das Experiment bruucht en lange Schnuuf, für beidi Siite und Durchhaltewille. Me mues sich mit em andere useandsetze.
